Ek Falsafa

Ek Sapne Ke Piche Bhaag Raha hu Main,
Na Jane Yeh Sach Hoga Bhi Ya Nahi,
Phir Bhi Umeed Ka Man Me Deep Jalaye,
Chale Ja Rahi Ho Main,
Ek Sapne Ke Piche.......................

Yun Bhaga Ja Raha Hu Main


Mera Yeh Sapna Sirf Sapna Nahi,
Meri Khwaish Hai Yeh, Hai Yeh Meri Tamanna,
Ya To Banega Mere Jivan Ka Sach,
Ya Reh Jayega Sirf Ek Kori Kalpana,
Is Sapne Ko Na Jane Kitne Dino Se,
In Ankho Me Paal Raha Hu Main,
Ek Sapne Ke Piche............................
Yun Bhaga Ja Raha Hu Main….

Andheri Rat Dekhi Hain Maine,
Toh Ujale Savere Ko Bhi Dekha Hain,
Jalte Diye Se Faili Roshni Dekhi Hain,
Toh Uske Tale Chipe Andhere Ko Bhi Dekha Hain,
Usi Roshni Ki Ek Kiran Ke Liye,
Andhero Mein Bhi Jaag Raha Hu Main,
Ek Sapne Ke Piche........................

Yun Bhaga ja Raha Hu Main

Sapna Kya Hain,
Jo Chahu Use Pal Mein Hi Pa Lena,
Sari Duniya Ko In Hatheliyo Mein Bhar Lena,
Yakeen Hain Mujhe,
Apni Lagan Se Ise Zarur Sach Kar Dikhaunga,
Par Dar Hai Mujhe,
Ki Is Matlabi Duniya Mein Kho Na Jau Kahin,
Ki In shikariyon Ke Bich Sikar Na Ho Jau Kahin,
In Jaisa Hi Na Ban Jau Kahin..................
In Jaisa Hi Na Ban Jau Kahin......